”شاعانتوعاي اۋدانى كونە سالت-سانانى تۇزەتۋ جالپى حالىقتىق كەلىسىم شارتى“ اۋداندىق حالىق ۇكىمەتىنىڭ 2024-جىلعى ەكىنشى رەتكى ۇنەمىلىك ىستەر جيىنىندا تالقىلانىپ، اۋداندىق 16-كەزەكتى حالىق قۇرىلتايى ۋاكىلدەرىنىڭ داۋىس بەرىپ ماقۇلداۋىنان وتكەن. جالپى 9 تارماق، 2024-جىلى 3-ايدىڭ 1-كۇنىنەن باستاپ اتقارىلادى، نەگىزگى مازمۇنى تومەندەگىدەي:
1. بۇل كەلىسىم شارت اۋدانداعىءار ۇلت حالىق بۇقاراسىنا قولدانىلادى (پارتيالى باسشى كادرلارعا پارتيا ءتارتىبى مەن پارتيا بەلگىلەمەسىندەگى قاتىستى ەرەجە-تۇزىمدەر اتقارىلادى).
2. ءار ۇلت حالىق بۇقاراسىنىڭ نارەستەگە ات قويۋدى تويلاۋ، نارەستەنىڭ قىرقىنان شىققانىن تويلاۋ، نارەستەنىڭ ءجۇز كۇنگە تولعانىن تويلاۋ، تۇساۋ كەسەردى تويلاۋ، سۇندەتكە وتىرعىزۋدى تويلاۋ، سوعىم باسى، قىز بالاعا سىرعا تاعۋدى تويلاۋ، ەر بالانىڭ اتقا مىنگەنىن تويلاۋ، اقىلداسۋ شايى، تۋعان كۇندى تويلاۋ، وقۋعا اتتاندىرۋ شايى، شەتەلگە شىققانىن تويلاۋ، ارمياعا قاتىناسقانىن تويلاۋ، دارەجە-اتاق العانىن تويلاۋ، كاسىپ اشقانىن تويلاۋ، جاڭا قونىسقا تۇسكەنىن تويلاۋ، ساۋدا جاساعانىن تويلاۋ قاتارلى قيمىلداردى قوناق شاقىرىپ دابىرالى اسپا-توك وتكىزۋگە تيىم سالىنادى.
3. ءار ۇلت حالىق بۇقاراسىن قۇدالاسۋ، ۇيلەنۋ تويى، ءولىم-جىتىم جونەلتۋ، ءنازىر-شىراق بەرۋ قاتارلى جول-جوسىنداردى قاراپايىم وتكىزۋدى دارىپتەيمىز، بەتالدى شاشىلۋعا، بايلىعىن كورسەتىپ باسەكەلەسۋگە جانە اسپا-توك سىراپشىلدىق ىستەۋگە بولمايدى. حالىق بۇقاراسى ۇيلەنۋ تويى، ءولىم-جىتىم ىستەرىنە قاتىستى قوناعاسى داستارقانىن اشۋدان بۇرىن، قيمىلدىڭ بەلگىلەنگەن كولەمىنە قاراي قاتىستى ورىندارعا الدىن-الا ءوتىنىش بەرىپ ارحيۆكە الدىرۋى كەرەك، قوناعاسى داستارقانىن اشۋعا لايىق كەلەتىن قيمىلدار بولسا، قيمىل يەسى 3 كۇن بۇرىن قىستاق كوميتەتىنە (الەۋمەتتىك اۋماق تۇرعىندار كوميتەتىنە) جازباشا ءوتىنىش تاپسىرادى، سول قىستاقتاعى (الەۋمەتتىك اۋماقتاعى) جاۋاپتى ادام تەكسەرىپ اداقتاعاننان كەيىن، قوناعاسى داستارقانىن اشۋعا بولادى. ءولىم-جىتىم ىستەرىنە قاتىستى ءراسىمياتتاردى قيمىل وتكىزۋ بارىسىندا نەمەسە قيمىل اياقتاعان سوڭ تولىقتاپ وتەۋىنە بولادى، الايدا، الدىن-الا اۋىزشا ءوتىنىش بەرۋ كەرەك، جەرلەۋ سالتى وتكىزىلىپ 10 كۇن ىشىندە قاتىستى ورىندارعا مالىمدەپ ارحيۆكە الدىرۋ ءتيىس. تەكسەرىپ بەكىتۋدەن وتپەي تۇرىپ بەرىلگەن قوناعاسى داستارقانى تۇگەلدەي قايشىلىق جاساعان قيمىل رەتىندە قارالادى.
4. ءار ۇلت حالىق بۇقاراسىن قۇدا شاقىرۋ ىستەرىن قاراپايىم وتكىزۋىن نەمەسە وتكىزبەۋىن دارىپتەيمىز، ەگەر وتكىزبەكشى بولعان جاعدايدا، بارلىق ءراسىمياتىن ءبىر جولدا وتكىزىپ بولۋ قاجەت، ەكى جاقتان قاتىناساتىن ادامدار سانى 30 ادامنان اسپاۋى كەرەك. قۇدالاسقاندا قالىڭمال الماۋدى دارىپتەيمىز، ەرەكشە جوعارى قالىڭمال قاراجاتىن الۋعا تيىم سالىنادى، قىرۋار قاراجات ارقىلى جاساۋ بەرۋ قاتارلى ەسكى سالىتتى جويۋ قاجەت؛ ۇيلەنۋ تويىن وتكىزۋدە (بىرلەسىپ وتكىزۋدى ءوز ىشىنە الادى)، تەك ءبىر رەت عانا قوناق داستارقانىن جايۋ كەرەك، ءبولىپ-جارىپ قوناق شاقىرۋعا قاتاڭ تيىم سالىنادى، ۇيلەنۋ تويىندا ەكىنشى ورىندا داستارقان اشۋعا، راقىمەت شايىن بەرۋگە قاتاڭ تيىم سالىنادى، تويعا قاتىناساتىن ادامدار سانى 200 ادامنان (20 ۇستەلدەن) اسپاۋى كەرەك. ءار ادامنىڭ تويلىق شاشۋ قاراجاتى 200 يۋاننان اسپاۋى كەرەك؛ ۇيلەنۋ تويىندا كەلىن اكەلۋگە جۇرەتىن اۆتوكولىك سانى 8 دانادان اسپاۋى كەرەك، كەلىن الۋعا جۇرەتىن ءار بىر جەكە اۆتوكولىكتىڭ بازار باعاسى 400 مىڭ يۋاننان اسپاۋى ءتيىس، ۇيلەنۋ تويىن وتكىزۋ بارىسىندا ات بايگەسى، لاق تارتۋ قاتارلى قيمىلدار وتكىزۋگە تيىم سالىنادى.
5. ءار ۇلت حالىق بۇقاراسى ءولىم-جىتىم، جەرلەۋ ىستەرىن وتكىزۋ بارىسىندا، قيمىل كولەمىن تىزگىندەۋى، ءولىم-جىتىم ىستەرىن قاراپايىم وتكىزۋى كەرەك، ءولىم بولعان جەرگە كورشى-قولاڭ، تۋىس-تۋعان، دوس-جاراندارىنىڭ عانا بارىپ كوڭىل ايتۋىن دارىپتەيمىز. ءمايىتتى بەلگىلەنگەن قابىرعا جەرلەۋى كەرەك، ءمايىتتى بەتالدى جەرلەۋگە، ەكولوگيالىق ورتانى بۇلدىرۋگە تيىم سالىنادى. راقىمەت شايىن بەرمەۋدى دارىپتەيمىز، ەگەر راقىمەت شايىن بەرۋ قاجەت بولسا، قوناعاسى داستارقانىنا قاتىناساتىن ادام سانى 100 ادامنان (10 ۇستەلدەن) اسپاۋى كەرەك، ءمايىتتى جەرلەۋگە قاتىناساتىن اۆتوكولىك سانى 20 دانادان (تابىت سالعان كولىكتەن سىرت) اسپاۋى كەرەك، جەرلەۋ سالتىنا قاتىناسقان ادامدارعا زات ۇسىنۋعا، سىراپشىلدىق ىستەۋگە تيىم سالىنادى. ءنازىر بەرۋدە، 3 كۇندىك ءنازىرى، جەتىسى، قىرقى، جىل ءنازىرى (3 جىلدىعىنا ازا تۇتۋ) قاتارلىلاردىڭ ىشىندە تەك بىرەۋىن عانا وتكىزۋدى دارىپتەيمىز، قوناعاسى داستارقانىنا قاتىناساتىن ادامدار سانى 100 ادامنان (10 ۇستەلدەن) اسپاۋى كەرەك.
6. «بانكە شايى» قاتارلى قارجى جيناۋ سيپاتىنداعى ويىن وتىرىستارعا قاتاڭ تيىم سالىنادى.
7. جەكە ادامدار اتىنان «لاق تارتۋ» «ات بايگەسى» «ءيت تالاستىرۋ» «ءيت جارىستىرۋ» قاتارلى قيمىلداردى وتكىزۋگە تيىم سالىنادى.
8. ءارقايسى اۋىل قالاشىق پارتيا كوميتەتى، حالىق ۇكىمەتى وزدەرىنە قاراستى اكىمشىلىك وڭىردەگى كونە سالت سانانى تۇزەتۋ قىزمەتىنىڭ جاۋاپتى باستى تۇلعاسى؛ قىستاق (الەۋمەتتىك اۋماق) پارتيا ياچەيكاسى مەن قىستاق كوميتەتى(الەۋمەتتىك اۋماق تۇرعىندار كوميتەتى) وزدەرىنە قاراستى ورىنداعى كونە سالت سانانى تۇزەتۋ قىزمەتىنىڭ تىكەلەي جاۋاپتى ورنى بولادى. قىستاق (الەۋمەتتىك اۋماق) وزدەرىنىڭ قىستاعىندا (الەۋمەتتىك اۋماعىندا) قىستاق تۇرعىندارىنىڭ توي-تومالاق، ءولىم-ءجىتىم ىستەرىن وتكىزۋ القاسىن سايلايدى، قىستاققا (الەۋمەتتىك اۋماققا) سەلبەسىپ كونە سالت سانانى تۇزەتۋ قىزمەتىن تەكسەرىپ، ءارقايسى قيمىلدار قىستاق كوميتەتىنىڭ بەلگىلەمە تۇزىمدەرىنە ۇشتاسا ورىستەتىپ، كەلىسىم شارتتى ناقتى ءىس جۇزىندىكتە قولدانىسقا پايدالانىپ، تيپتىك دەلو مىسالدارىن كەسكىن ارقىلى جاريالايدى.
9. قىستاق (الەۋمەتتىك اۋماعىندا)تۇرعىندارىنىڭ توي-تومالاق، ءولىم-جىتىم ىستەرىن وتكىزۋ القاسى كونە سالت سانانى تۇزەتۋ جالپى حالىقتىق كەلىسىم شارتىنا قايشى كەلەتىن احۋالدار بەلەڭ بەرسە، دەرەۋ ىسكە كىرىسىپ، ەرتە باستان تىزگىندەپ، حالىق بۇقاراسىنىڭ زيان تارتۋىنان ساقتاندرۋ كەرەك، كونە سالت سانانى تۇزەتۋگە قيعاشتىق جاساعان جاعداي بولسا، قىستاق كوميتەتىنە (الەۋمەتتىك اۋماق كوميتەتىنە) ، اۋىل-قالاشىققا، اۋداندىق كونە سالت سانانى تۇزەتۋ قىزمەتىنە باسشىلىق ەتۋ شاعىن گرۋپپاسى كەڭسەسىنە دەركەزىندە مالىمدەۋ كەرەك. كونە سالت سانانى تۇزەتۋ جالپى حالىقتىق كەلىسىم شارتىنا قيعاشتىق جاساعان جاعدايدى ەرتە بايقاپ دەر كەزىندە مالىمدەگەن ادامدى سيلاۋ ءتۇزىمى اتقارىلادى، ەڭ العاش قۇندى حابار-وشارمەن قامداعان ادامعا سيلىق بەرىلەدى.
اشكەرەلەۋ مالىمدەۋ تەلەفونى:
شاعانتوعاي اۋدانى كونە سالت سانانى تۇزەتۋگە باسشىلىق ەتۋ گرۋپپا كەڭسەسى:
6525943 18099313234
قارابۋرا قالاشىعى: 7661542 18309015900
جيەك قالاشىعى: 6766643 18999753810
قارابۋرا اۋىلى: 7699835 15389983000
جاڭا جەر اۋىلى: 6760542 13364833155
جانگىسى اۋىلى: 6595328 15729923421
التىن ەمىل اۋىلى: 6591119 13364833768
